АХМАДУУДЫН ЭМИЙН ХӨНГӨЛӨЛТ ХУУЧИН ХЭВЭНДЭЭ ОРНО

 Эрүүл мэндийн даатгалаас ахмадуудын эмэнд 70% хөнгөлдөг байсан 30% болж буурснаар ахмадууд маань тэтгэврийнхээ ихэнхийг эмнийхээ мөнгөнд өгч үлдсэн багахан мөнгөө идэх өдөр тутамд хүргэхэд хэцүүхэн байсан.

Энэ талаар өмнөх сайдад шаардлага тавьж байсан ч олигтой үр дүнд хүрээгүй. Харин Эрүүл мэндийн шинэ сайд С.Чинзориг ахмадуудын даатгалын хөнгөлөлт удахгүй хуучин хэвэндээ орно гэсэн таатай хариу өглөө. Бас заавал өөрийн биеэр очиж ав гэдэг хатуу шаардлагаа ч султгаж байгаа юм байна 

 Мөн ахмадууд эмчээсээ жор бичүүлээд аптект очихоор граммын зөрүүгээс болж эрүүл мэндийн даатгалаар олгодог эмнүүдийг өгөхгүй байна гэх гомдлууд байнга ирдэг.

Эмийн жорны зөрүүд анхаарна гэдгээ Эмийн агентлагийн дарга амлалаа.

 Монголын хоёрдахь том хот Дарханд хамгийн их хэрэгцээ шаардлагатай байгаа Зүрх, судасны антиографийн тоног төхөөрөмж шийдвэрлэх талаар яамнаас мөн тодорхой хариулт авлаа.

 Эцэст нь эм, эмнэлгийн бүтээгдэхүүний чанартай холбоотой асуудлыг сайжруулахын тулд өрсөлдөөнийг нэмэх чиглэлд яаралтай анхаарах ёстой гэсэн чиглэлд өөрийн байр сууриа илэрхийллээ.