1072 ХУВЬЦАА АМЬ ОРЖ БАЙЖ НҮҮРСНИЙ ХУЛГАЙ АРИЛНА

УИХ-ын чуулганы өнөөдрийн хуралдаанаар Уул уурхайн бүтээгдэхүүний биржийн тухай анхдагч хуулийн төслийн эцсийн хэлэлцүүлгийг хэлэлцэж байна (2022.12.22)

 Энэ хууль цаг үеэ олж орж байна. Энэ хууль батлагдсанаар бид худалдааны ил тод платформтой болж байгаа. Нүүрсний хулгайтай, төрийн өмчид байгаа хулгайтай тухайн компаниудыг ил тод болгож, иргэд хувьцаагаа бодитоор эзэмших замаар хянаж байж тэмцэх нь үр дүнтэй юм. Дэлхийн жишиг ч ийм байдаг.

 Өнөөдөр Монголчууд 1072 хувьцаатай гэж ярьдаг ч энэ нь бодитой биш байна. Зөвхөн Үнэт цаасны төв дээр л бүртгэлтэй байдаг. Монголын Хөрөнгийн Бирж дээр бүртгэлгүй. Өөрөөр хэлбэл амьгүй гэсэн үг юм. Энэ хууль, тогтоолын төслүүдийн хүрээнд иргэдийн 1072 хувьцаа амь орох уу, амь ороход шаардлагатай бүх хууль эрх зүйн зохицуулалтыг ингээд хийж байна гэж ойлгож болох уу?